2019-2020-жылдары Ветеринардык кызмат 50 млн сомдон ашык акчаны мыйзамсыз иштеткен

Назира Абдиева

18 мая 2022 17:27

Эсептөө палатасынын Кеңеши өзүнүн кезектеги жыйынында 2019-2020-жылдары Айыл чарба министрлигине караштуу Ветеринардык кызматында бюджеттин аткарылышы боюнча жүргүзүлгөн аудити жөнүндө отчетту кабыл алды.

Аудиттин жүрүшүндө жалпы суммасы 11 млн 720.5 миң сом суммасындагы каржы бузуулар аныкталды:

эмгек акыларды негизсиз төлөө – 11 млн 402.9 миң сом
материалдык баалуулуктарды негизсиз эсептен чыгаруу – 529 миң сом
эсептен жашырылган дебитордук карыз жана кредиттик карыздарды негизсиз көбөйтүү – 380.3 миң сом
товардык-материалдык баалуулуктардыдын жетишпестиги – 314.3 миң сом.

Мыйзамдарды бузуу менен Борбордук аппараттын кызматкерлерине бош кызмат орундардан пайда болгон каражаттардын эсебинен жалпы суммасы 10 млн 154.7 миң сом суммасында материалдык жардам көрсөтүлгөн, анын ичинен 2019-жылы – 5 млн 549.2 миң сом, 2020-жылы – 4 млн 605.5 миң сом.

Аудит жүргүзүлгөн мөөнөттө вакциналарды натыйжалуу эмес пландаштырууга, пайладанууга, жана колдонууга байланыштуу, 26 млн 552.8 миң сом суммасында бюджеттик каражаттардын рационалдуу эмес колдонулушу аныкталган.

Аталган суммага бодо малга бруцеллез,чечекке жана шарп оорусуна каршы вакциналар кирбейт. Бул боюнча маалыматтар тергөө органдарына берилген, натыйжада, 51 млн сомго, анын ичинен, Эсептөө палатасы тарабынан 31 млн сом аныкталган.

Мыйзамдарды бузуу менен, Ветеринардык жана фитосанитардык коопсуздук боюнча Ак-Талаа районунун башкармалыгынын 8 кызматкерлерине жумушчу орундарын аттестациялоого чейин компьютерде иштегендигине зыяндуулук үчүн, 218.7 миң сом суммасында негизсиз төлөм жүргүзүлгөн.

Жыйындын соңунда тиешелүү токтом кабыл алынып, аудит объектисине аныкталган кемчиликтерди четтетүү жана мындан аркы ишмердүүлүгүндө аларды болтурбоо жөнүндө жазма буйрук жана сунуштамалар жөнөтүлдү.

Эскерте кетсек, Айыл чарба министрлигин 2019-2020-жылдары Эркинбек Чодуев жетектеп турган.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”