«Чек талап кылып, байге утуп ал!» – Салык кызматы 250 миңден ашык лотерея билеттерин берди

Назира Абдиева

18 мая 2022 21:27

Салык кызматынын «Чек талап кылып, байге утуп ал!» лотереясы расмий башталган учурдан тартып, «Салык чек» тиркемеси менен 15 миң 771 адам пайдаланууда. Бул тууралуу МСКнын маалымат кызматы билдирди.

Лотереяга катышуу максатында алар 301 миң 555 кассалык чек сканерден өткөрүшкөн, алардын ичинен лотереялык система тарабынан 208 миң 10 чек кабыл алынган, 46 миң 964 чек иштеп чыгууда, ал эми 49 миң 581 чек кабыл алынган эмес.

Лотереялык система аркылуу утушка катышуу үчүн колдонуучуларга 258 миң 609 электрондук лотереялык билет (ID номер) ыйгарылган.

Лотереяга катышуу үчүн:

Google play же AppStore аркылуу «Салык чек» мобилдик тиркемесин жүктөп алып, каттоодон өтүү

товарларды сатып алууда же кызматтарды пайдаланууда ККМдин гана кассалык чегин талап кылуу

мобилдик тиркемеге алынган кассалык чектин QR-кодун сканерден өткөрүү зарыл.

Система сканерден өткөн кассалык чектин топтолгон суммасын утушка катышуу үчүн уникалдуу номерлерге автоматтык түрдө алмаштырат. 1000 сомго 1 уникалдуу ID номер ыйгарылат.

Система сканерленген чекти 72 сааттын ичинде иштеп чыгат жана ал «Операциялар» бөлүгүндө:

эгерде чек салык органынын маалымат базасында текшерүүдөн ийгиликтүү өткөн болсо «Кабыл алынган» деп чыгат

эгерде бул чек салык органынын маалымат базасында текшерүүдөн өтпөсө «Кабыл алынган жок» деп көрсөтүлөт.

Кабыл алынбаган чектер боюнча Салык кызматы себептерин аныктоо үчүн тиешелүү иштерди жүргүзөт.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”