Январь-март айларында экономиканын финансы секторунун кирешесинин 93%ын банк сектору камсыздады
2022-жылдын январь-март айларында финансы секторунда 24.4 млрд сом киреше алынды, бул өткөн жылдын тийиштүү мезгилине караганда 1.5 эсеге көп. Мында кирешелердин өсүшүнүн 93%ын банк сектору камсыздады. Бул тууралуу Улутстатком билдирди.
Ушул эле мезгилде финансы секторунун уюмдарынын чыгымдары 30%га көбөйгөн жана 12.6 млрд сомду түзгөн.
2022-жылдын I кварталынын жыйынтыгы боюнча экономиканын финансы секторунун ишканалары тарабынан 11.8 млрд сом суммасында сальдолоштурулган пайда алынды, бул өткөн жылдын тийиштүү мезгилинин деңгээлинен дээрлик эки эсеге ашкан.
Пайданын өсүшүнүн суммасынын дээрлик 75%ы Улуттук банк жана 22% – коммерциялык банктар менен камсыздалды.
I кварталында экономиканын финансы секторунун пайдасы
(млрд. сом)
2022-жылдын январь-мартында финансы секторунун рентабелдүү уюмдарынын үлүшү алардын жалпы санынын 61% түздү, ал эми уюмдардын 16% чыгым алды.
Бул жылдын I кварталында экономиканын финансы секторунда 591 уюм, анын ичинде Улуттук банк, 23 коммерциялык банк, 309 күрөөканалар, 146 микрокредиттик уюмдар, 97 кредиттик бирикмелер, 14 камсыздандыруу компания жана бир адистештирилген финансылык-кредиттик уюм иш жүргүздү.
