100 миң сомдон ашык карызы бар салык төлөөчүлөр өлкөдөн чыгарылбайт
Салык кызматы салыктык карызы бар салык төлөөчүлөргө карата чектөө чараларын көрүүнү улантууда, деп билдирди Мамлекеттик салык кызматынын маалымат кызматы.
2022-жылдын 1-июнуна карата салык органдарынын арызынын негизинде сот аткаруучулардын кызматтары тарабынан жалпы суммасы 7 млрд 683.9 млн сом салык жана камсыздандыруу төгүмдөрү боюнча карызы бар 1001 салык төлөөчүгө карата алдын алма иш-чаралар жүргүзүлгөн.
Ал иш-чаралардын арасында өлкөдөн чыгууга чектөөлөр жана башка бир катар тыюу салуулар бар.
Жүргүзүлгөн иштердин натыйжасында 251 салык төлөөчү жалпы суммасы 42.3 млн сомдук карызын төлөгөн.
Эске салсак, 100 000 сомдон ашык салык карызы бар салык төлөөчүлөр үчүн төмөнкү нерселерге тыюу салынышы мүмкүн:
- өлкөнүн чегинен тышкары саякаттоого
- кыймылдуу же кыймылсыз мүлктү каттоо боюнча ар кандай аракеттерди жасоого
- банктык операцияларды жүргүзүүгө
- фамилиясын, атын, атасынын атын жана башка паспорттук маалыматтарды өзгөртүүгө
- лотереялык утуштарды, акчалай жана/же белек катары алынган башка мүлктөрдү, материалдык жардам же мурас алууга
- жана башка чаралар.
