Улуттук банк 1 коммерциялык банкка 5 миң 354 сом айып пул салды
Кыргыз Республикасынын Улуттук банкынын ченемдик укуктук актыларында каралган милдеттүү камдар көлөмүнүн минималдуу чектүү деңгээлин аткаруу боюнча талаптарды сактабагандыгы үчүн бир коммерциялык банкка карата 5 миң 354 сом 22 тыйын өлчөмүндө айыптык төлөм салынды.
Бул тууралуу Кыргыз Республикасынын Улуттук банкынын басма сөз кызматынан маалымдашты. Берилген маалыматта банктын аталышы такталган эмес.
Эске салсак, Кыргыз Республикасынын аймагында иш алып барган коммерциялык банктардын тизмесине ылайык, азыркы тапта 26 коммерциялык банк жана алардын филиалдары иш жүргүзөт. Алардын ишмердүүлүгүн Улуттук банк дайыма көзөмөлгө алып турат.
Күндүн негизги жаңылыктары — Telegram каналыбызда
Каналга катталуу