Коммерциялык банктарга пайызсыз кредиттер үчүн 613 млн сом бөлүнгөн – анын 391 млн сому гана өздөштүрүлгөн
Финансы министрлиги коммерциялык банктарга быйылкы жылдын 10-июнуна карата 613 млн сом которгон, банктар анын 391 млн сомун гана кредиттерге берген. Бул тууралуу “Микро, чакан жана орто ишканаларды тез арада колдоо” долбоорунун алкагында өткөн тегерек столдо белгилүү болду.
Коммерциялык банктар жүгүртүү капиталы, эмгек акысы, жеткирүүчүлөрдүн эсеп-фактуралары, ижара акысы, коммуналдык кызматтар жана интернет сыяктуу чыгымдар үчүн кредиттерди беришет. Каражаттар 18 айлык мөөнөткө эки категорияда берилет:
- 1-категория – 2018-жылдын 1-июлунан тартып 8 айдан кем эмес иштеген жана жылдык жүгүртүүсү 8 млн сомдон ашпаган жеке ишкерлер. 250 миң сомго чейин насыялар берилет.
- 2-категория – биринчи категориядагы жеке ишкерлер, жылдык жүгүртүүсү 30 млн сомдон ашпаган юридикалык жактар. 1 млн сомго чейин насыялар берилет.
Берилген маалымат боюнча, «Кайра төлөнүүчү финансылык жардам» долбоорунун биринчи компонентинин жыйынтыгы боюнча:
- Айыл Банк – 106 млн сом которулган. 74.4 млн сомго кредиттер берилген.
- Керемет Банк – 102 млн сом которулган. 66.5 млн сомго кредиттер берилген.
- РСК Банк – 60 млн сом которулган. 8.7 млн сомго кредиттер берилген.
- Кыргызстан – 15 млн сом которулган. 15 млн сомго кредиттер берилген.
- Капитал Банк – 90 млн сом которулган. 72.7 млн сомго кредиттер берилген.
- Азия банкы – 30 млн сом которулган. 26.2 млн сомго кредиттер берилген.
- Халык Банк – 35 млн сом которулган. 23.7 млн сомго кредиттер берилген.
- ФинансКредитБанк – 25 млн сом которулган. 19.2 млн сомго кредиттер берилди.
- Дос-Кредобанк — 115 млн сом которулган. 67.1 млн сомго кредиттер берилген.
- Кыргызкоммерцбанк – 15 млн сом которулган. 12.2 млн сомго кредиттер берилген.
- Бакай Банк – 20 млн сом которулган. 4.9 млн сомго кредиттер берилген.
10-июнга карата насыя алган ишкерлердин саны 1164 адамды түзөт. Анын ичинен 1016 адам 250 миң сомго чейин, 148 адам 1 млн сомго чейин насыя алышкан.
