Өзүбүзгө жетпей жатат – УКМКнын бөлүмдөрүнө контрабандага каршы күрөштү күчөтүү тапшырмасы берилди

Баалардын көтөрүлүшүнө, ошондой эле азык-түлүк жана элге керек товарлардын тартыштыгына байланыштуу, Улуттук коопсуздук боюнча мамлекеттик комитети (УКМК) контрабандага каршы чараларды күчөтүүнү бардык бөлүмдөргө тапшырды. Акыркы убакта товарларды өлкөдөн мыйзамсыз алып чыгуу учурлары көбөйгөн. Бул тууралуу комитеттин басма сөз кызматы билдирет.

Алсак, УКМКнын төрагасы Камчыбек Ташиев аймактык бөлүмдөргө жана Чек ара кызматына кызматтык өткөрүү пункттары жана мамлекеттик чек аранын көзөмөлгө алынбаган тилкелери аркылуу аткезчилик фактыларын аныктоо, алдын алуу жана бөгөт коюу боюнча ишти күчөтүүнү жана натыйжалуу чараларды көрүүнү тапшырды.

Эске салсак, президент Садыр Жапаров быйылкы жылдын 17-июнунда Кылмыш-жаза кодексинин айрым мыйзамдарына өзгөртүүлөрдү жана толуктоолорду киргизүүгө кол койгон. Бул өзгөртүүлөрдө контрабанда үчүн жоопкерчилик күчөтүлүп, айып пулдар көбөйтүлгөн, ошондой эле транспорт каражаттары мамлекеттин кирешесине каршы кылмыш куралы катары саналып, аларды конфискациялоо дагы каралган.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды