Парламент Баткен облусун өнүктүрүүгө 50 млн доллар алуу боюнча Дүйнөлүк банк менен келишимди ратификациялады

Жогорку Кеңеш кечээ, 22-июндагы жыйынында Кыргызстан менен Эл аралык өнүктүрүү ассоциациясынын ортосундагы каржылоо келишимин ратификациялоо чечимин кабыл алды. Бул макулдашуу боюнча Дүйнөлүк банк Баткен облусун өнүктүрүүгө 50 млн доллар бөлөт, деп билдирди парламенттин басма сөз кызматы.

Эске салсак, бул каржылоо макулдашуусуна министрлер кабинетинин башчысы Акылбек Жапаров Дүйнөлүк банктын жетекчилиги менен 20-апрелде Вашингтондо кол койгон. Каражат Баткен облусундагы экинчи “Экономикалык аймактарды өнүктүрүү” долбооруна багытталат. Долбоор 2022-жылдан 2027-жылга чейин ишке ашырылмакчы.

Долбоорго жараша 5 компонент ишке ашырылат:

  1. муниципалдык инфраструктураны жана негизги мамлекеттик кызматтарды колдоо чаралары – 24 млн доллар (бөлүнгөн каражаттардын дээрлик жарымы).
  2. агрардык азык-түлүк кластерлерин чыңдоо – 21 млн доллар.
  3. жергиликтүү экономиканын өнүгүшүнө дем берүү – 2 млн долларга чакан гранттар.
  4. күтүлбөгөн өзгөчө кырдаалдардын кесепеттерин жоюу жана калыбына келтирүү үчүн каражаттарды кайра бөлүштүрүү.
  5. долбоорду ишке ашырууга колдоо көрсөтүү – 3 млн доллар.
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды