«Текстиль Транс» кездеме чыгарууну 2.5 эсе көбөйтөт — ОКӨФ дагы насыя берди

Кыргызстандагы ири өнөр жай ишканаларынын бири “Текстиль Транс” фабрикасы өндүрүшүн 2.5 эсеге кеңейтүү үчүн Орус-кыргыз өнүктүрүү фонду (ОКӨФ) менен жеңилдетилген насыя бөлүү боюнча келишимге кол койду. Бул тууралуу фонддун басма сөз кызматы билдирди.

Долбоордун биринчи этабында суткасына 10 тонна кездеме чыгаруучу текстиль фабрикасын куруу каралган эле. Долбоор ОКӨФ колдоосу менен ийгиликтүү ишке ашып, Токмокто текстиль фабрикасы иштей баштады.

Экинчи этаптын алкагында фабриканын өндүрүмдүүлүгү 2.5 эсеге — суткасына 25 тонна кездемеге чейин жогорулайт. Бул максатта ОКӨФ тарабынан 7.5 млн доллар бөлүнөт. Ошондой эле фабрикада кошумча 200 жумушчу орун түзүлүп, чыккан продукция жергиликтүү кийим тигүүчү ишканалардын трикотаж кездемеге болгон суроо-талабынын үчтөн эки бөлүгүн жабат. Салык төлөмдөрү да көбөйөт.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды