Кылмыштуулук жана баңги аткезчилиги менен күрөшүүгө БУУ Кыргызстанга 10 млн доллар бөлөт

Назира Абдиева

24 июня 2022 22:36

БУУ 2022-2025-жылдары Кыргызстандагы кылмыштуулук жана баңги аткезчилиги менен күрөшүү боюнча долбоорлорго 10 млн доллар бөлөт. Бул тууралуу Тышкы иштер министринин орун басары Динара Кемелова менен БУУнун Баңгизаттар жана кылмыштуулук боюнча башкармалыгынын Борбордук Азиядагы аймактык өкүлү Ашита Миттал кечээ, 23-июнда өткөн жолугушуусунда белгилүү болду, деп билдирет ТИМ басма сөз кызматы.

Тараптар өлкөлөр арасында уюшкан кылмыштуулукка, терроризмге, экстремизмге, баңгизаттарды мыйзамсыз жүгүртүүгө жана коррупцияга каршы күрөшүү боюнча кызматташуунун негизги багыттарын талкуулашкан.

БУУ БКБ өкүлү 2022-2025-жылдарга Борбор Азия мамлекеттери үчүн программанын алкагында Кыргызстандагы БУУ БКБнын долбоордук иш-чараларын ишке ашырууга 10 млн доллар бөлүнөрүн билдирди.

Тараптар ошондой эле чек аралык кызматташуу боюнча кеңселерди түзүү, негизги өткөрүү пункттарын бекемдөө жана Кыргызстандагы мобилдүү ыкчам топтордун потенциалын чыңдоо аркылуу Борбордук Азиядагы чек ара кызматташтыгын күчөтүүгө багытталган БУУнун БКБ долбоорлоруна жакшы баа беришти.

Сүйлөшүүлөрдүн жыйынтыгында тараптар быйыл ноябрда Бишкек шаарында учкучсуз учуучу системаларды кенен колдонуу боюнча аймактык конференция өткөрмөкчү болушту. Алар баңгизат өсүмдүктөрүн мыйзамсыз өстүргөн аймактарга мониторинг жана талдоо жүргүзүү үчүн пайдаланылып, ошондой эле айыл чарбасын өнүктүрүүгө жардам бермекчи.

Мындан тышкары окуңуз

Бишкекте тынчтык мыйзамына жараша коомдук тартипти сактоо көзөмөлдөнүүдө

Бишкек шаарынын ИИББнын кызматкерлери Кыргыз Республикасынын мыйзамдарынын талаптарын, анын ичинде тынчтыкты жана коомдук тартипти сактоону камсыз кылуу боюнча түшүндүрүү иштерине багытталган профилактикалык иш-чараларды өткөрүшүүдө. Шаардык милициянын маалыматына ылайык, иш-чаралардын жүрүшүндө милиция кызматкерлери борбор калаадагы бир катар түнкү жана көңүл ачуучу жайларга барып, алардын ээлери, администраторлору жана кызматкерлери менен

Бажы кызматы: уюлдук телефон сатып алууда анын каттоодон өткөнүн текшериңиз

Кыргызстанда уюлдук түзүлүштөрдү идентификациялоо боюнча жаңы талаптар 2025-жылдын август айынан тартып күчүнө кирген. Ушуга байланыштуу Бажы кызматы жарандарды смартфон сатып алууда анын расмий түрдө өлкөгө киргизилгенине жана каттоодон өткөнүнө көңүл бурууга чакырууда. Бул талаптардын негизги максаты — уюлдук түзүлүштөрдүн мыйзамдуу жүгүртүлүшүн камсыз кылуу, контрабандага бөгөт коюу жана керектөөчүлөрдүн укугун коргоо.

Россияда айдоочусу жок поезд сыноодон өтүп жатат

Россияда төртүнчү деңгээлдеги автоматташтыруу системасы менен жабдылган “Ласточка” электр поездин сынай башташты. Сыноолор Москвадагы борбордук шакек темир жолунда (МЦК) өткөрүлүп жатат. Бул тууралуу РИА-Новости маалымдады. Билдирүүгө караганда, жаңы технологиянын өзгөчөлүгү — поездди башкаруу үчүн анын ичинде машинисттин болушу талап кылынбайт. Поезд өз алдынча ылдамдап, тормоз басып, эшиктерди ачып-жабат. Анын

Бостериде VIII Кыргыз-Россия экономикалык форуму болуп өттү

2026-жылдын 6-7-августунда Ысык-Көл облусунун Бостери айылында өткөн VIII Кыргыз-Россия экономикалык форуму болуп өтту. Иш-чара Евразия өкмөттөр аралык кеңешинин жыйынынын алкагында уюштурулуп, ага Кыргызстан менен Россиянын мамлекеттик органдарынын, бизнес ишканаларынын, өнүктүрүү институттарынын жана эксперттик коомчулуктун өкүлдөрү катышты. Форумдун биринчи күнүнүн жыйынтыгында бир катар келишимдерге кол