Сапар Исаков: мүлктү легалдаштыруу мыйзамы Матраимовдорго уурдалган мүлкүнүн баарын мыйзамдаштырууга жардам берет

Экс-премьер-министр Сапар Исаков мүлктү легалдаштыруу боюнча мыйзам долбоорун шерменделик деп атап, демилге Матраимовдорго жана башкалардын баарына мыйзамсыз алынган акчаларды жана үйлөрдү мыйзамдаштырууга мүмкүндүк берет деп айтты. Ал кайрылуусун адвокаты Замир Жоошев аркылуу билдирди.

Исаков Москвада ресторан куруп жатат деген ушак коомдо пайда болгону жөнүндө айта кетти.

«Ошол эле учурда премьер-министр Акылбек Жапаров мага карата соттун чечимдерин эстептир, мени да кандайдыр бир мүлктөрдү мыйзамдаштырып алат деп кооптонду окшойт. Жапаровду ишендиргим келет: мага алардын мыйзамын колдонуу кереги жок, анткени менде ресторандар, клиникалар же базарлар жок жана эч качан болгон эмес», — деп айтылат кайрылууда.

Экс-премьер-министр азыркы бийлик өкүлдөрүнүн мүлкү болушу мүмкүн экенин белгилеп, алардын кайдан келип чыкканы жөнүндө суроо берди.

«Акылбек Жапаровдун эмнеси бар, кандай мейманканалары, үйлөрү жана башкалары бар экенин бүт өлкө билет. Өмүр бою мамлекеттик кызматта иштеп жүрүп, кантип жеке мейманканага ээлик кыла алат? Мага калыс сот болбойт, жакында УКМКнын СИЗОсундагы өлүмдөрдөн кийин менин азыр сотко келе албасымды баары түшүнүп жатат деп ойлойм», — деп жазган Исаков.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды