Кыргызстан ЕАЭБ өлкөлөрүнүн ортосунда кредиттик тарых алмашуу боюнча келишимди ратификациялады

Жогорку Кеңеш 22-июндагы жыйынында 2021-жылдын 21-декабрында Москва шаарында кол коюлган “ЕАЭБ алкагында кредиттик тарыхка кирген маалыматтарды алмашуу тартиби жөнүндө макулдашууну” ратификациялоо чечимин кабыл алды.

Бул келишим ЕАЭБ өлкөлөрүнүн коммерциялык банктарына кардарлардын кредиттик тарыхын эркин алмашууга мүмкүндүк берет, демек, жарандар биримдиктин башка өлкөсүндө жүрүп, өз кредиттик тарыхын сурап, ала алышат.

Мындан тышкары, банктар башка мүчө-мамлекеттердин резиденттерине кредит берүү боюнча чечимдерди кабыл алууда тобокелдиктерди туура баалай алат.

Документ ошондой эле кредиттик тарыхка кирген маалыматтарды алмашуу механизмин, тартибин жана шарттарын белгилейт. Мындан тышкары, бул келишим кредиттик мамилелер түзүлүп жаткан учурда керектөөчүлөрдүн жана финансылык мекемелердин укуктарын, мыйзамдуу таламдарын коргоого жардам берип, финансы рыногун жөнгө салуучу органдардын ыйгарым укуктарын аныктайт.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды