Кытай — Кыргызстан — Өзбекстан темир жолунун алдын ала маршруту аталды

Кытай – Кыргызстан – Өзбекстан темир жолу Торугарт – Макмал – Жалал-Абад аркылуу курулушу мүмкүн. Мындай алдын ала маршрутту бүгүн, 28-июнда, Транспорт жана коммуникациялар министри Эркинбек Осоев министрлер кабинетинин жыйынында көрсөттү.

Анын айтымында, долбоордун тиешелүү техникалык-экономикалык негиздемеси ушул жылдын декабрь айына чейин иштелип бүтөт.

«Кытай – Кыргызстан – Өзбекстан темир жолун куруу долбоору – уникалдуу долбоор, аны ишке ашырууга биз өзгөчө көңүл бөлөбүз. Тиешелүү мамлекеттик органдар керектүү даярдык иштерин өз убагында бүтүрүүсү зарыл”, – деди минкаб төрагасы Акылбек Жапаров.

Жолугушуунун жүрүшүндө башка инфраструктуралык долбоорлорду куруу маселелери да талкууланды.

Кытай – Кыргызстан – Өзбекстан темир жол линиясы үч өлкөнүн темир жолдорун, андан ары Перс булуңунун өлкөлөрүн, Түркия Республикасын европалык темир жол тармагы менен байланыштырышы керек.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды