Салык кызматы жарым жылда 74 млрд сом салык чогултту
Январь-июнь айларында МСК мамлекеттик бюджетке 73 млрд 611.4 млн сом салык жана төлөмдөрдү жыйнаганын мекеменин маалымат кызматы кабарлады.
Берилген маалыматка ылайык, белгиленген план 101.8 %га аткарылып, 1 млрд 324.7 млн сомго ашыгы менен чогултулган. 2021-жылдын ушул мезгилине салыштырмалуу салыктар 26 млрд 642.1 млн сомго көп жыйналган (өсүү ыргагы 156.7 %).
Салыктык башкарууну жакшыртуу боюнча жүргүзүлүп жаткан иштер, “СМАРТ Салым” салык жол-жоболорун санариптештирүү долбоорун ишке ашыруу, анын ичинде электрондук эсеп-фактуралар, ККМ, ЕАЭБ алкагында товарларды эсепке алуу боюнча “Жыйынды пост” системасы ж.б. ишке киргизилиши пландык көрсөткүчтөргө оң таасирин тийгизүүдө.
