JICA КРнын тоо-кен тармагындагы долбоорлорду ишке ашырууга кызыкдар
Япониялык Эл аралык Кызматташтык Агенттигинин (JICA) жаратылыш ресурстары боюнча улук кеңешчиси доктор Йош Итака Хосои, ошондой эле агенттиктин энергетика жана тоо-кен казып алуу департаментинин башчысы Хироюки Мацуда жетектеген миссиясы Кыргызстанга келип, “Кыргызалтындын” жетекчилери менен жолугушуу өткөргөнүн мекеменин маалымат кызматы билдирди.
“Алардын максаты – Кыргызстандын тоо-кен тармагын изилдөө. Миссиянын мүчөлөрү өнөр жайдагы жалпы абал: негизги кен чыккан жерлер, өндүрүш, экспорт, учурдагы кен казып алуу боюнча долбоорлор, ошондой эле улуттук өнөр жай саясаты менен таанышууну каалашууда”, – деп айтылат маалыматта.
Жолугушуудан кийин JICA өкүлдөрү биргелешкен ишкананын жумушу менен таанышуу үчүн «Алтын Кен» ЖЧКсына жөнөп кетишкен.
