Нарында кышка даярдык башталды - облуска күз-кыш мезгилине 116 миң тонна көмүр керек
Нарынга жаңы дайындалган облус башчысы Алтынбек Эргешов кышка даярдык боюнча штабдын кезектеги отурумун өткөрүп, Нарын облусунун 2022-2023-жылдагы күз-кыш мезгилине даярдыгынын абалы менен таанышканын “Нарын медиаборбору” билдирди.
Облус жетекчисинин орун басары Адыл Сапаровдун айтымында, быйыл тендерлер жоюлгандыгына байланыштуу көмүр тартуу иштери түз келишим менен эрте жүргүзүлөт.
2022-2023-жылдагы күз-кыш мезгилине Нарын облусуна жалпы 116 миң 54 тонна көмүр керектелет. Мунун ичинен элге 90 миң 400 тонна тартуу зарыл.
Отурумда Нарын шаарынын мэри келишимдерди эрте түзүп бүткөндөр мүмкүнчүлүк болсо көмүр отунун эрте тарта берүүнү, кышка даярдыкты убагында бүтүрүп кыштан элди үшүтпөй алып чыгуу тапшырмасын берип, бул боюнча жоопкерчилик штаб башчысы жана акимдерде болоорун эскертти. Ошондой эле 15-июлга чейин келишимдерди бүтүрүп, 15-сентябрга чейин бюджеттик мекемелерге көмүр отунун тартып бүтүрүүнү милдеттендирди.
