«Чек талап кылып, байге утуп ал!» лотереясынын I утушунун жеңүүчүлөрү аныкталды

Салык кызматынын лотереясынын I утушунун жеңүүчүлөрү өз байгелерин алышты. Бул тууралуу МСКнын маалымат кызматы билдирди.

Мамлекеттик салык кызматы “Чек талап кылып, байге утуп ал!”
лотереясынын I утушунун жөңүүчүлөрүнө байгелерди тапшыруу
аземин өткөрдү. Иш-чарага Салык кызматынын жетекчилиги, лотереянын биринчи турунун өнөктөштөрү болгон компаниялар жана жеңүүчүлөр катышкан.

Лотереянын өнөктөштөрү – “Мөл Булак”, “Тойбосс”, “Бай Дыйкан”
компанияларынын өкүлдөрү лотереянын жеңүүчүлөрүн куттуктап,
чектерди талап кылууну улантуу менен ак ниетсиз салык төлөөчүлөргө жана көмүскө бизнеске каршы күрөшүүгө салым кошуу зарылдыгын баса белгилешти.

Белгилей кетсек, лотереянын биринчи утушунун байге ээлери
өлкөнүн дээрлик бардык аймактарынан катышкан 52 адам болду.
Анын ичинен 2 адам автомобиль утуп алышты.

Эрнист Жаңыбаев (KIA Rio автомобили) жана Аиза Жуманова (Hyundai Creta автомобили). Жаныбаевдин айтымында, ал Нарын облусунун Ат-Башы районунун жашоочусу жана анда 483 билет болгон. Убактылуу иштебейт, 4 баланын атасы.

Жуманова Чүй облусунун Ысык-Ата районунун жашоочусу, үй
кожойкеси, 2 баланын энеси. Ал топтогон 7 билеттин ичинен бирөөсү байгелүү болду.

Дагы 10 адам iPhone 13 и iPhone 12, 10 адам Samsung А33
смартфондун ээси болушкан. Мындан тышкары, 5 муздаткыч, 5
телевизор, 5 микротолкундуу меш, 5 кир жуугуч машина, 5 чаң соргуч
жана Ысык-Көлдөгү пансионаттарга 5 жолдомо өз ээлерин табышты.

Белгилей кетсек, 1-июлда Ала-Тоо аянтында Салык кызматынын
“Чек талап кылып, байге утуп ал!” лотереясынын биринчи утушу өтүп, түз эфирдин жүрүшүндө баалуу байгелердин жеңүүчүлөрү аныкталган. Утушка “Салым чек” тиркемеси аркылуу сканерленген кассалык чектердин суммасынан түзүлгөн 3 млн 449 миң 959 билет катышкан. Жеңүүчүлөр сандарды туш келди тандоо ыкмасы менен (рандом) аныкталган.

Лотереянын расмий сайты: lottery.salyk.kg