Дары-дармектердин таңгактарын өндүрүү үчүн алынып келчү чийки заттарды КНСтен бошотууну пландашууда
Кыргызстанга алып келүүдө КНСтен бошотулган дары-дармектердин тизмесине аларды өндүрүү үчүн чийки затты жана таңгактарды киргизүү сунушталууда. Токтом долбоору министрлер кабинетинин сайтында жарыяланды.
Долбоордун негиздемесинде бул өлкөнүн фармацевтика тармагын өнүктүрүүгө шарт түзөөрүн, анткени кошуна Казакстан менен Өзбекстандын дары-дармек өндүрүүчүлөрү мурда эле окшош салык преференцияларына ээ экенин, бул алардын ата мекендик өндүрүүчүлөргө артыкчылыктарды берери айтылат.
«Даяр дары-дармек каражаттарын импорттоо КНСтен бошотулганын эске алганда, КРгы дары-дармектерди өндүрүүчүлөр кыйын жагдайда калып жатышат. Алардын продукциясы чет элдик аналогдорго салыштырмалуу баасы боюнча атаандаштыкка туруштук бере албашы мүмкүн“, – дешет демилгечилер.
Ошондой эле бул долбоордун ишке ашырылышы, албетте, өлкөнүн дары коопсуздугун камсыздоого чоң салым кошот деп айтылат негиздемеде.
