«Туризмди өнүктүрүү фонду» КРнын туристтик объекттери менен иштөөгө сынак жарыялады

КРнын “Туризмди өнүктүрүү фонду” ААК ишмердүүлүгүнүн алкагында RestPoint деп аталган КРнын туристтик объекттерине коштоп баруу, аларды башкаруу, кызмат көрсөтүү боюнча конкурс жарыялады.

Фонд потенциалдуу кызыкдар тараптарды сынакка катышууга чакырды. Документтердин пакетин жана коммерциялык сунушту 2022-жылдын 12-июлунда саат 10:00гө чейин Бишкек шаарындагы Игембердиев 1/33 дарегине жөнөтүү зарыл.

Катышуучулар конкурстук табыштамаларды ачуу жол-жобосуна катыша алышат. Сынакка коюлган талаптар (техникалык тапшырма) www.fundtourism.com сайтында “САТЫП АЛУУ” бөлүмүндө жайгаштырылган.

• Маалымат үчүн телефон: 0 312 59-27-01

Economist.kg мурда кабарлагандай, Кыргызстандын бардык популярдуу туристтик маршруттарында эс алуу пункттары пайда болот.

RestPoint – бул туристтер жана саякатчылар үчүн эс алуу, маалымат алуу жана гаджеттерин заряддоо мүмкүнчүлүгү бар жай. Бул жерде террасада кофе ичип же душка түшүүгө болот. Ар бир RestPoint туристтик интерактивдүү дисплей менен жабдылат, анда саякатчыларга керек болгон маршруттар жана туристтик жерлер, эс алуу зоналары жана жакын жердеги кызыктуу жайлар жөнүндө бардык маалымат камтылат.

Кыргызстанда жалпысынан 68 эс алуу пункту курулат. Алар өлкөнүн бардык аймактарында эң популярдуу жана эң көп туристтик маршруттарда жана шаарлар аралык каттамдарда жайгаштырылат. Алардын ичинен 21 быйыл ачылат.