ЕАЭБдеги өлкөлөрдүн ичинен эң арзан кумшекер Кыргызстанда

ЕАЭБге кирген өлкөлөрдүн ичинен эң арзан кумшекер Кыргызстанда экенин Монополияга каршы агенттиги билдирди.

Ошондой эле агенттик учурда Кыргызстанда баалар коңшу өлкөлөргө салыштырмалуу туруктуу экенин белгиледи. Буга кошумча нарк салыгын (КНС) нөлгө түшүрүү, ак жана чийки кумшекерди алымсыз (пошлинасыз) жеткирүү жана бул азыкты Кыргызстандын чегинен тышкары алып чыгууга тыюу салуу шарт түзгөн.

5-июлга карата базардагы кумшекердин баасы

КыргызстанКазакстанРоссияБеларусьАрменияТажикистанӨзбекстан
93 сом130 сом107 сом110 сом138 сом115 сом100 сом

Монополияга каршы мамлекеттик кызматы 27-майда «Кайыңды-Кант» ААК менен соода түйүндөрүнүн ортосунда түзүлгөн келишимдин алкагында «Глобус», «Народный» жана «Фрунзе» супермаркеттеринде кумшекер арзандатылган баада сатылып жатканын эскертти. Аталган соода түйүндөрүндө анын баасы бир кишиге 1 кг деген акция менен 79 сом/кг болсо, 1 кг ашык кумшекер 85 сом/кг баада сатылууда.

Белгилей кетсек, Евразия экономикалык комиссиясынын кеңеши Кыргызстандын территориясына ак кумшекер жана чийки шекер ташып келүү үчүн бажы алымдарын жок кылуу мөөнөтүн 31-октябрга чейин узарткан.

Учурда базарда кант кызылчасынан өндүрүлгөн кант жок (кийинки түшүмгө чейин), кумшекер Индия сыяктуу өлкөлөрдөн алынып келинүүдө. Мындан тышкары, кантты ата мекендик кант заводдору импорттолгон бразилиялык чийки кант камышынан чыгарышат. Монополияга каршы мамлекеттик кызматы ошого жараша канттын баасы дагы жогору болуп жатканын айтты.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды