Улуттук банк комбанктар менен валюта рыногундагы кырдаал боюнча жолугушуу өткөрдү
Бүгүн, 8-июлда Улуттук банк өлкөнүн коммерциялык банктарынын өкүлдөрү менен жолугушуу өткөргөнүн регулятордун маалымат кызматы билдирди.
“Жолугушуунун жүрүшүндө ички валюта рыногунда учурда орун алып турган жагдай, акча которуу маселелери, коммерциялык банктардын айрым операциялары боюнча тарифтердин өзгөрүшү жана финансылык кызматтардан керектөөчүлөр үчүн актуалдуу башка маселелер талкууланды”, – деп айтылат билдирүүдө.
Жолугушууга баргандар дүйнөдө орун алып жаткан геосаясий кырдаалга байланыштуу тобокелдиктер жана алардын ички финансылык рынокко таасири боюнча пикир алмашышкан.
“Учурдагы кыйынчылыктарга карабастан, калкты үзгүлтүксүз тейлөө жана банктык кызматтарды талаптагыдай көрсөтүү зарыл экендиги белгиленди”, – деп айтылат регулятордун малыматында.
