АКШ Кыргызстанды Россияга санкцияланган товарларды киргизип жибериши мүмкүн болгон өлкөлөрдүн тизмесине кошту

АКШнын Финансы министрлиги Кыргызстанды Россияга санкцияланган товарларды киргизип жибериши мүмкүн болгон өлкөлөрдүн тизмесине киргизди. Башкармалыктын бөлүмдөрү – Финансылык кылмыштуулукка каршы күрөшүү түйүнү жана Өнөр жай жана коопсуздук бюросу биргелешип эскертүү беришти.

Алар финансы институттарын жеке жактардын экспорттук чектөөлөрдү бузушунан сак болууга үндөштү.

АКШны өзгөчө тынчсыздандырган нерселерге учактын тетиктери, антенналар, GPS системалары жана мунай кени тармагындагы жабдуулар кирет.

Сакцияланган товарларды киргизип жибериши мүмкүн деген мамлекеттердин тизмесине Армения, Бразилия, Кытай, Грузия, Индия, Израил, Казакстан, Кыргызстан, Мексика, Никарагуа, Сербия, Сингапур, Түштүк Африка, Тайвань, Тажикстан, Түркия, БАЭ жана Өзбекстан кирген. Алар билдиргендей, чектөө же контролго дуушар болгон экспорттук товарлар бул кайра жүктөө пункттары аркылуу өтүшү мүмкүн.

Эскерте кетсек, Россиянын санкциялардан качуусуна көмөктөшүү экинчи даражадагы санкцияларды пайда кылышы мүмкүн.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды