ЕРӨБ Ош облусунда ирригацияны жакшыртууга 17.8 млн евро берет

Назира Абдиева

13 июля 2022 16:01

КР менен Европа реконструкциялоо жана өнүктүрүү банкынын (ЕРӨБ) ортосунда Ош облусунда ирригацияны жакшыртуу боюнча долбоорду ишке ашыруу боюнча 17.87 млн евро суммасындагы жаңы макулдашууга кол коюлду. Бул тууралуу минкабдын маалымат кызматы билдирди.

Министрлер кабинетинин төрагасынын биринчи орун басары Адылбек Касымалиев Улуу Британия жана Түндүк Ирландиянын Бириккен Королдугуна болгон жумушчу сапарынын алкагында ЕРӨБдүн президенти Одиль Рено-Бассо менен жолугушту.

Одил Рено-Бассо өз кезегинде кыргыз делегациясына ЕРӨБдүн форумуна катышкандыгы үчүн ыраазычылык билдирип, акыркы жылдары каржы институту Борбордук Азия өлкөлөрүнө, анын ичинде КРга өнүгүүнүн негизги багыттары боюнча жардам көрсөтүп келгендигин белгиледи.

«Учурда Европа реконструкциялоо жана өнүктүрүү банкы өлкөлөрдүн жашыл экономикага өтүү жана көмүртектин нейтралдуулугуна жетишүү боюнча стратегиясын жактайт. Биздин инвестициялык долбоорлордун жарымы учурда “жашыл” багытта болуп саналат жана бул дагы бекемделип, кеңейтилет», – деди Одиль Рено-Бассо.

Жолугушуунун жыйынтыгында КР менен ЕРӨБ ортосунда Ош облусунда ирригацияны жакшыртуу боюнча долбоорду ишке ашыруу боюнча 17.87 млн евро суммасындагы жаңы макулдашууга кол коюлду.

Бул долбоорго ылайык, ирригациялык система модернизацияланып, Ош облусунун Араван районунун фермердик жана дыйкан чарбаларын сугат суу менен камсыздоо жакшырат.

Келишимге кыргыз тараптан – финансы министри Алмаз Бакетаев, ЕРӨБдүн аймактык директор Жужанна Харгитаи кол койду.

Мындан тышкары окуңуз

Айыл чарбанын дүң продукциясы 3 айда 47,9 млрд сом болду

Министр Эрлист Акунбеков министрликтин кызматкерлери менен жыйын өткөрүп, анда жылдын алгачкы үч айында айыл чарбанын дүң продукциясы 47 млрд 923 млн сомду түзгөнү белгиленди. Бул тууралуу Айыл чарба министрлигинин басма сөз кызматы билдирди. Ведомствонун маалыматына ылайык, январь–март айларында айыл чарба продукциясынын ички дүң продукциясынын көлөмү 47 млрд 923 млн

Бишкекте көп кабаттуу унаа токтотуучу жай ачылды

Бишкек шаарында 245 унаага ылайыкташтырылган жер астындагы кабаты менен көп кабаттуу унаа токтотуучу жайдын салтанаттуу ачылышы болду. Бул тууралуу Бишкек шаардык мэриясынын басма сөз кызматы билдирди. Иш-чарага Бишкектин мэри Айбек Жунушалиев, шаардык кеңештин депутаттары жана түзүмдүк бөлүмдөрдүн жетекчилери катышты. Жаңы унаа токтотуучу жай Жукеев-Пудовкин көчөсүндө жайгашкан. Аймакка келген коноктор үчүн

Россиянын Борбордук банкынын эсептик чени 14,5% чейин түштү

Россиянын Борбордук банкынын директорлор кеңеши 2026-жылдын 24-апрелинде негизги эсептик ченди 0,5 базистик пунктка төмөндөтүп, жылдык 14,5% деңгээлинде бекитти. РФнын Борбордук банкынын басма сөз кызматынын маалыматына ылайык, ички суроо-талап акырындап рыноктун мүмкүнчүлүктөрүнө шайкеш келе баштады. Бирок инфляция толук турукташкан жок - ал жылдык эсепте 4–5% деңгээлинде сакталып турат.

Кызыл-Кыя шаарында жаңы муниципалдык базар курулуп жатат

Президенттин Баткен облусундагы өкүлү Мамыржан Рахимов базардын курулушу менен жеринен таанышты. Аталган долбоор Баткен облусун өнүктүрүүгө багытталган 500 млн сомдук республикалык бюджеттин алкагында каржыланып жатат. Анын ичинен 80 млн сом каражат бөлүнүп, базардын аймагында негизги инфраструктуралык иштер аткарылды. Тактап айтканда, ички жолдор, тротуарлар, лотоктор, электр мамычалары орнотулуп, саркынды суу системасы,