2022-жылы Кыргызстандын тышкы карызы 160-180 млн долларга «гана» көбөйүшү мүмкүн - Акылбек Жапаров

2022-жылы Кыргызстандын тышкы карызы 160-180 млн долларга көбөйүшү мүмкүн. Мындай маалыматты бүгүн, 14-июлда министрлер кабинетинин төрагасы Акылбек Жапаров билдирди.

Анын айтымында, министрлер кабинети тышкы карызды катуу көзөмөлгө алат.

“2020-жылы тышкы карыздын көлөмү 367 млн долларга көбөйсө, 2021-жылы 75.6 млн долларга гана көбөйгөн. 2022-жылы тышкы карыздын көлөмү кошумча 160-180 млн долларга гана көбөйүшү мүмкүн. Ошол эле учурда тышкы карыздын оорчулугу ИДПга карата 45%га чейин төмөндөйт деп болжолдоп жатабыз”, – деди Жапаров.

Белгилей кетсек, ушул тапта президент Садыр Жапаровдун төрагалыгы алдында министрлер кабинетинин жыйыны өтүүдө.


Финансы министри Алмаз Бакетаев Economist.kg басылмасына берген маегинде, КРнын ушул жылдын 30-апрелине карата мамлекеттик карызы – 5 млрд 92 млн долларга жеткенин, анын ичинде тышкы карыз – 4 млррд 191 млн доллар, ички карыз – 901 млн доллар экенин билдирген болчу.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды