Чек арадагы тыгындар - кайсыл убакта эл көп болорун чек ара кызматы билдирет

Назира Абдиева

21 июля 2022 17:48

COVID-19га байланыштуу чектөөлөрдүн алынып салынышына, туристтик сезондун башталышына жана айыл чарба продукциясын экспорттоонун көбөйүшүнө байланыштуу айрым өткөрүү пункттарында жүргүнчүлөрдүн да, жүк ташуунун да агымы көбөйүшү байкалууда. Бул тууралуу Чек ара кызматынын басма сөз кызматы билдирди.

Мамлекеттик чек аранын кыргыз-казак тилкесинде “Ак-Жол”, “Кең-Булуң” жана “Токмок” өткөрүү пункттарында дем алыш күндөрү эртең менен жана кечинде, ошондой эле жуманын башында автотранспорттордун агымынын көбөйүшү катталууда.
Мамлекеттик чек аранын кыргыз-өзбек тилкесинде дем алыш күндөрү жана Кара-Суу базарында дүң соода болгон күндөрү “Достук” постунда жүргүнчүлөрдүн агымы көбөйөт.

Өткөрүү пунктунун аймагындагы курулуш иштери жүрүп жатканына карабастан, посттун кызматкерлери чек арадан адамдарды, автоунааларды жана жүктөрдү үзгүлтүксүз өткөрүп жатканын башкармалык билдирди. Маселен, 19-июлдан 20-июлга чейин – бир күн ичинде гана – мамлекеттик чек араны өткөрүү пункту аркылуу 18 миңден ашык адам өткөн, болбосо суткасына 14.4 миң гана адам өткөрүлө алат.

“Достук” постунда 22 паспорттук текшерүү кабинасы күнү-түнү иштейт. Чек ара кызматы өткөрүү жөндөмдүүлүгүн жогорулатуу боюнча зарыл чараларды көрүп жатат: жүргүнчүлөрдү жана жүк ташууларды башка өткөрүү пункттарына багыттоо боюнча профилактикалык-түшүндүрүү иш-чаралары жана маалымат иштери тынымсыз жүргүзүлүүдө», — деп билдирет Чек ара кызматы.

Эске салсак, жакында Чек ара кызматы чек арада тыгын болуп, 100дөн ашык унаа туруп калганын билдирген.

Мындан тышкары окуңуз

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”