Казакстандын президенти «Камбар-Ата-1» ГЭСин биргелешип курууну колдоду

Назира Абдиева

Казакстандын президенти «Камбар-Ата-1» ГЭСин биргелешип курууну колдоду

Казакстан Борбордук Азияда транс чек аралык дарыялардын сууларын чогуу пайдалануу үчүн биргелешкен гидроэнергетикалык долбоорлорду ишке ашырууга өзгөчө маани берет. Бул тууралуу Казакстандын президенти Касым-Жомарт Токаев билдирди.

Мындай пикирин Казакстандын башчысы бүгүн, 21-июлда, Чолпон-Атада өтүп жаткан Борбор Азия мамлекеттеринин башчыларынын төртүнчү консультативдик жолугушуусунда айтты, деп билдирет 24.kg. Белгилей кетсек, ага Борбор Азия мамлекеттеринин бардык президенттери катышууда.

Токаевдин айтымында, биргелешкен гидродолбоорлорду ишке ашыруу алкагында Кыргызстанда “Камбар-Ата-1” ГЭСин куруу долбоору кызуу талкууланууда.

«ГЭС Борбор Азия мамлекеттеринин энергетикалык коопсуздугун бекемдейт, айыл чарба өндүрүшүн кеңейтүү үчүн шарттарды жакшыртат», – деди Казакстандын президенти.

Эске салсак, быйылкы жылдын май айынын аягында КР Президенти Садыр Жапаров менен болгон жолугушуунун жыйынтыгында да Казакстандын башчысы маанилүү ГЭСтерди биргелешип ишке ашырууну колдоорун билдирген. Анда Токаев Казакстан “Камбар-Ата ГЭС-1” жана Ысык-Көлдө күн электр станциясын курууга катышууну пландап жатканын билдирген.

Жаңылыктар биздин Телеграмм каналда

Мындан тышкары окуңуз

Бишкетеги Киев көчөсүнүн бир бөлүгү жабылат

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”