Кыргызстан Казакстанга сугат үчүн Чүй жана Талас дарыяларынан 330 млн кубометр суу коё берет

Назира Абдиева

21 июля 2022 21:41

Казакстан быйыл Кыргызстандан Чүй жана Талас транс чек аралык дарыялары аркылуу 330 млн метр куб суу алат. Бул тууралуу Казакстандын экология, геология жана жаратылыш ресурстары министри Сериккали Брекешев Чолпон-Атада Борбор Азия өлкөлөрүнүн президенттеринин жолугушуусунун жыйынтыгы боюнча пресс-конференцияда билдирди, деп маалымдайт 24.kg.

Казак министринин айтымында, Кыргызстандан агып келген сууну дыйкандар сугат иштерине пайдаланат.

Брекешев Казакстанга суу товар алмашуу боюнча келишимге ылайык берилерин, ага ылайык Кыргызстандын Токтогул ГЭСи жайкысын сууну коё берип, кышында электр энергиясы менен кайтарып аларын түшүндүрдү.

Ал ошондой эле Казакстан коңшу өлкөлөрдөн келген суунун агымын көбөйтүүнүн үстүндө иштеп жатканын билдирди. Бул үчүн Тажикстанга гуманитардык жардам берип, анын ордуна Бахри-Точик суу сактагычынан 84 млн кубометр суу алуу боюнча келишим түзүлгөн.

Эскерте кетсек, 18-июлда курамына Токтогул ГЭСи кирген «Электр станциялары» ААКсы Кыргызстандын энергетика системасы кышында аталган өлкөлөрдөн алынган электр энергиясына жооп катары учурда Казакстан менен Өзбекстанга электр энергиясын берип жатканын билдирген.

Токтогул ГЭСинен же Чүй, Талас дарыялары аркылуу суу коё берилип жатканы тууралуу компания эч нерсе билдирген эмес.

Маалым болгондой, өткөн күз-кыш мезгилиндеги жылытуу мезгилинде Өзбекстандын энергетика системасы Кыргызстанга 501.4 млн кВт/саат, Казакстандын энергетика системасы 440 млн кВт/саат электр энергиясын берген.

Мындан тышкары окуңуз

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”