Теңиз Бөлтүрүк: «Чоң-Кемин» кичи ГЭСинин долбоорунун алкагында адистерибиз Канадада жана Россияда окуп келишет

Назира Абдиева

21 июля 2022 16:47

“Чоң-Кемин” кичи ГЭСинин долбоорун иштеп чыгуунун алкагында Кыргызстандын адистери Канада жана Россияда тажрыйба алышат. Бул тууралуу “Улуу көчмөндөрдүн мурасы” улуттук холдингинин жетекчиси Теңиз Бөлтүрүк билдирди.

Эске сала кетсек, 14-июлда “Улуу көчмөндөрдүн мурасы” холдинги россиялык «ИГХолдинг Рус» ААКсы, кыргызстандык “Инкрафт” ЖАКсы жана канадалык i-Energy Power Expert Consulting Inc. компанияларынан турган консорциум менен “Чоң-Кемин” кичи ГЭСин долбоорлоо боюнча келишимге кол койгон.

Теңиз Бөлтүрүктүн айтымында, “Чоң-Кемин” кичи ГЭСинин долбоору Кыргызстан үчүн гидроэнергетика тармагындагы башка долбоорлорго жол ачат, анткени консорциум компаниялары эл аралык өнүктүрүү жана долбоорлоо ыкмалары боюнча кыргызстандык адистерди окутууну негизги максаттардын бири катары карайт.

«Жергиликтүү адистерибизди өстүрүү жана окутуу үчүн ар бир келишимге окутуу, тренинг, практика сыяктуу пункттарды киргиздик. Биздин жаштардан тандап алып, Москва (Россия) жана Квебек (Канада) шаарларына жөнөтүүнү пландап жатабыз, алар чет өлкөдөн тажрыйба алып, андан да мыкты адис болуп кайтышат. Ошентип, алардын жардамы менен өзүбүздүн долбоорлоо жана инженердик компаниябызды ачууну пландап жатабыз», – деди Бөлтүрүк.

Белгилей кетсек, ГЭСти ишке киргизүү 2025-жылдын экинчи кварталына белгиленген. Станциянын жалпы кубаттуулугу 14-16 МВт болушу керек.

Мындан тышкары окуңуз

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”