Кыргызстан менен Тажикстан суу маселесин кайрадан чече башташат

Назира Абдиева

Кыргызстан менен Тажикстан суу маселесин кайрадан чече башташат

Кыргызстан менен Тажикстан суу ресурстарын пайдалануу маселелери боюнча ведомстволор аралык кыргыз-тажик жумушчу тобунун ишин кайра баштоону макулдашты.

Эки өлкөнүн президенттери Садыр Жапаров менен Эмомали Рахмон кечээ, 21-июлда, Чолпон-Ата шаарында Борбор Азия мамлекет башчыларынын жолугушуусунан кийин өткөн жеке жолугушууда мындай макулдашууга келишти.

Биринчи кезекте Кыргызстан менен Тажикстандын башчылары чек ара көйгөйүн талкуулашты, деп билдирди президенттик аппарат. Бул маселе боюнча делимитация жана демаркация боюнча өкмөттөр аралык комиссиянын ишин активдештирүү чечими кабыл алынды.

Экинчи маанилүү тема катары чек ара аймактарындагы транс чек аралык дарыялардын суу ресурстарын пайдалануу маселеси каралды.

Мамлекет башчылары транс чек аралык дарыялардын суу ресурстарын эки тарапка тең пайдалуу колдонуунун маанилүүлүгүн белгилешип, суу ресурстарын пайдаланууга байланышкан маселелерди кароо боюнча кыргыз-тажик ведомстволор аралык жумушчу топтун ишин кайра улантуу чечимине келишти, деп билдирди президенттик аппарат.

Жаңылыктар биздин Телеграмм каналда

Мындан тышкары окуңуз

Бишкетеги Киев көчөсүнүн бир бөлүгү жабылат

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”