SWIFT жана Mastercard төлөм системасынын өнөктөшү Кыргызстандын рыногуна кирди – ал сизди чет өлкөгө акча которуу түйшүгүнөн куткармакчы

20-июлда Улуттук банк канадалык KOLO Financial Services LTD эл аралык электрондук акча системасынын жаңы операторун Кыргызстанда каттады. Бул тууралуу регулятордун сайтында маалым болду.

Бул компания Улуттук банкта каттоо процедурасынан өткөн жана эл аралык электрондук акча системаларынын операторлорунун, ошондой эле Кыргызстандын аймагындагы эл аралык электрондук акча эмитенттеринин реестринде катталган.

KOLO Financial Services LTD Виктория шаарында катталган канадалык компания.

Компаниянын веб-сайтында KOLO Financial Services түздөн-түз Mastercard тобу менен иштейт деп айтылат. Ушуга байланыштуу компания бул эл аралык төлөм карталарын ортомчуларсыз өзү чыгарат. Mastercard карталарын дүйнөнүн каалаган өлкөсүндө колдонсо болот.

Ошондой эле, бул компания SWIFT системасынын колдонуучусу жана SEPA мүчөсү (SEPA – бул евро түрүндөгү бирдиктүү төлөм аймагы). Андыктан KOLO Financial Services акча которууларды тез жөнөтө алат жана өз кардарларына IBAN бере алат.

“Башка өлкөлөрдөн төлөмдөрдү алуу компаниялар үчүн да, жеке адамдар үчүн да көйгөйлүү болушу мүмкүн, дал ушул себептен KOLO түзүлгөн”, – деп айтылат сүрөттөдө.

«KOLO – бул эл аралык төлөм системасы, ал сизди чет өлкөгө акча жөнөтүү жана алуу түйшүгүнөн арылтат.

Биз сиздин кызматкерлериңизге жана өнөктөштөрүңүзгө төлөөнү жеңилдетип, төлөмдөрдү түздөн-түз базарларыңыздан жана кардарларыңыздан, алар кайсы жерде болбосун, кабыл алабыз.

Биздин заманбап төлөм системабыз бүгүнкү бизнестин муктаждыктарын эске алуу менен иштелип чыккан. Төлөм процессин жөнөкөйлөтүү менен биз жергиликтүү ишканалардын жана фрилансерлердин ишин эл аралык рыноктордо жөнөкөй жана коопсуз кылууну көздөп жатабыз”, – деп айтылат компаниянын сайтында.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды