Өзбекстан Сокулукта автозавод ачат

Кыргызстан менен Өзбекстан өзбек автоунааларын чогултуу үчүн жаңы автозаводду Чүй облусунун Сокулук районунда курууну чечишти. Бул тууралуу Podrobno.uz жазып чыкты.

Маалым болгондой, учурда Кыргызстанда ишканага салык салуу жана ага жеңилдиктерди берүү маселеси каралууда.

«Биз ЕАЭБге мүчө болгонубузга байланыштуу бул процесс бир аз татаалдашып жатат, анткени бул маселе боюнча уюмдун башка өлкөлөрү менен макулдашып алышыбыз керек. Ишкананын жайгашчу жери аныкталды. Бул Чүй облусунун Сокулук району болот. Азырынча ишке киргизүүнүн так датасы белгилене элек, сүйлөшүүлөр жүрүп жатат», – деди экономика министри Данияр Амангелдиев жакында Ташкентке барган иш сапарында.

Басылманын маалыматына караганда, буга чейин «Узавтосаноаттын» өкүлдөрү Кыргызстан өндүрүштү кеңейтүү үчүн артыкчылыктуу рыноктордун бири экенин билдиришкен, анткени Кытай-Кыргызстан-Өзбекстан автотранспорттук коридору тетиктерди ташуу убактысын кыскартып, Кыргызстанда автоунааларды чогултуу арзаныраак болот.

Кошумчалай кетсек, өзбек тарап Кыргызстанда биринчи болуп Nexia R3 үлгүдөгү унаа чогултуларын билдирген.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды