Суу ресурстары кызматы КР Казакстанга бериш керек болгон суу тууралуу билдирүү жасады

Назира Абдиева

25 июля 2022 16:03

Казакстан быйыл Кыргызстандан Чүй жана Талас транс чек аралык дарыялары аркылуу 330 млн метр куб суу алат. Бул тууралуу Казакстандын экология, геология жана жаратылыш ресурстары министри Сериккали Брекешев Чолпон-Атада Борбор Азия өлкөлөрүнүн президенттеринин жолугушуусунун жыйынтыгы боюнча пресс-конференцияда билдирген.

Бул маалымат ЖМКларга чыккандан кийин Айыл чарба министрлигине караштуу Суу ресурстары кызматы төмөнкүлөрдү билдирди.

“Брекешев суу ресурстарына байланыштуу кошуналар менен тыгыз иштешерин, КР менен Казакстан тиешелүү макулдашууларга жана келишимдерге кол коюшканын, мисалы, Чүй жана Талас дарыяларындагы сууну пайдалануу боюнча келген суунун көлөмү кыргыз тарап менен такталганын жана макулдашылганын, ошондой эле товар алмашуунун алкагында тиешелүү документтерде Казакстан КРга электр энергиясын берери аныкталганын жана аны кайтарып берүү үчүн Кыргызстан ГЭС аркылуу суу өткөрүү менен электр энергиясынын тиешелүү көлөмүн иштеп чыгарын айткан”, – деп билдирди Суу ресурстары кызматы.

Эскерте кетсек, Сериккали Брекешев Казакстанга суу товар алмашуу боюнча келишимге ылайык берилерин, ага ылайык Кыргызстандын Токтогул ГЭСи жайкысын сууну коё берип, кышында электр энергиясы менен кайтарып аларын айткан эле.

“Чүй жана Талас дарыялары боюнча сугат суусу макулдашылган график боюнча жана белгилүү көлөмдө берилет. Ал эми, айыл чарба сугаты үчүн КР эч кандай суу агызылбайт”, – деди СРК.

Мындан тышкары окуңуз

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”