Чет өлкөгө алтынды сатуу азайгандыктан, КРнын экспорту 14%га төмөндөдү

Назира Абдиева

Чет өлкөгө алтынды сатуу азайгандыктан, КРнын экспорту 14%га төмөндөдү

Кыргызстанда импорт январь-апрель айларында өткөн жылдын ушул мезгилине салыштырмалуу 65.8%га өстү. Экспорт тескерисинче, 14.3%га кыскарган. Мындай маалыматтар Евразия өнүктүрүү банкынын (ЕАӨБ) макро-баяндамасында айтылат.

Маалым болгондой, Кыргызстандын тышкы соода жүгүртүүсү өткөн жылга салыштырмалуу 43.3%га өскөн. Бул импорттун өсүшү менен шартталган. Бул республикада экономикалык активдүүлүктүн жанданышы, ошондой эле дүйнөлүк баанын өсүшү менен түшүндүрүлөт.

Экспорттун азайышы, эксперттердин баамында, көбүнчө алтындын чет өлкөлөргө ташуунун азайышына байланыштуу болгон.

Тышкы сооданын кеңейиши башка нерселер менен катар эле ЕАЭБ рыногу менен байланыштуу. ЕАЭБ өлкөлөрүнө экспорт 26.4%га, ал эми алардан импорт 13.3%га өскөн.

2022-жылдын январь-май айларында КРнын тышкы соода жүгүртүүсү 3.9 млн долларды түзгөн жана 2021-жылдын ушул эле айларына салыштырмалуу (импорттун эсебинен) 45%га өскөн.

Жаңылыктар биздин Телеграмм каналда

Мындан тышкары окуңуз

Бишкектеги Киев көчөсүнүн бир бөлүгү жабылат

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”