Донорлордун жардамы менен Кыргызстанда ондой вирусологиялык лаборатория, перинаталдык борборлор курулууда

Назира Абдиева

26 июля 2022 17:46

Ислам өнүктүрүү банкынын каржылоосу менен Кыргызстанда 10 жаңы вирусологиялык лаборатория курулат. Бул тууралуу Cаламаттык сактоо министринин милдетин аткаруучу Жаркынбек Касымбеков маалымат жыйынында билдирди.

Анын айтымында, Ысык-Ата, Сокулук, Жайыл райондук ооруларды алдын алуу жана мамлекеттик санитардык-эпидемиологиялык көзөмөлдөө борборунун жана Каракол, Талас шаарларында 5 вирусологиялык лаборатория ишке берилген.

Эми Баткен, Кадамжай, Жалал-Абад шаарларында жана Ноокенде курулуп жаткан имараттардын курулуш иштери аяктоо стадиясында турат жана июль айынын аягында ишке берүү пландалууда.

“Ислам Өнүктүрүү банкынын каржылоосу менен Кыргызстанда 10 жаңы вирусологиялык лаборатория курулат. Анын бешөө курулуп бүтүп ишке берилген, калганы жылдын аягына чейин бүтүрүлөт”, – деди ал.

Белгилей кетсек, аталган лабораториялар ПЦР боюнча коронавирус жана башка инфекцияларынын диагностикасын жүргүзөт.

Ошондой эле Касымбеков Ошто бюджети 13 млн еврону түзгөн жана Таласта 6 млн евродон турган перинаталдык борборду куруу жана жабдуу пландалып жатканын, алар гранттык каражаттарга салынарын кошумчалады.

“Германия өнүктүрүү банкынын жардамы менен Ош, Талас, Бишкек шаарларында перинаталдык борборлор курулат. Алардын бюджети 13 млн евро, бул таза гранттык каражат. Ошондой эле Бишкекте кургак учукка каршы оорукананын курулушу аяктады, эмерек, жабдууларды алуу боюнча тендер ушул жылы өтөт”, – деди Cаламаттык сактоо министринин милдетин аткаруучу.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”