«Текстиль Транс» үч өндүрүш ишканасын ишке киргизет

Назира Абдиева

«Текстиль Транс» үч өндүрүш ишканасын ишке киргизет

«Текстиль Транс» ЖЧК үч өндүрүш ишканасын – пахта тазалоочу заводду, текстиль фабрикасын жана жинсы өндүрүшүн ишке киргизет. Бул тууралуу кечээ, 25-июлда Экономика министрлигинин 2022-жылдын 6 айынын жыйынтыгы боюнча маалымат жыйынында министрдин орун басары Вероника Исаева билдирди.

Анын айтымында, жылдын экинчи жарымында «Текстиль Транс» Токмок шаарынын өнөр жай аймагында жылына 12 миң тонна була өндүрүүчү кубаттуулукка ээ жана 100гө жакын жумушчу орун менен камсыз кылган пахта тазалоочу завод ачууну пландоодо. Ошондой эле өндүрүш кубаттуулугун жана токуу кездемесин чыгарууну көбөйтүү максатында текстиль фабрикасынын курулушунун экинчи фазасын бүткөрүү иштери жүрүп жатат жана ал 100 адамды жумуш оруну менен камсыз кылмакчы.

Мындан тышкары, «Текстиль Транс» ишканасы үстүбүздөгү жылдын август айында штатында 80 адамды камтыган, суткасына миң даанага чейин продукция чыгарган жинсы өндүрүшүн ишке киргизүүнү пландап жатат.

Ошондой эле «Салкын» ЖЧКсы август айында Каракол шаарында 200 жумуш орундуу кийим тигүү өндүрүшүнүн филиалын ачууну көздөөдө.

Жаңылыктар биздин Телеграмм каналда

Мындан тышкары окуңуз

Бишкектеги Киев көчөсүнүн бир бөлүгү жабылат

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”