Улуттук банк комбанктарга жана акча алмаштыруу жайларына карата токтом кабыл алды

Назира Абдиева

26 июля 2022 15:52

КРда экономикалык коопсуздукту камсыз кылуу, дүйнөдө орун алып турган геосаясий кырдаалга жана алардын ички финансылык рынокко тийгизген таасирине байланыштуу, тобокелдиктерди төмөндөтүү максатында, Улуттук банк комбанктарга жана акча алмаштыруу жайларына карата жаңы токтом кабыл алды.

КРнын коммерциялык банктары ал токтомго ылайык:

алмашуу бюролору менен операцияларды жүргүзүүдө алмашуу бюросунун бир календардык күн ичинде бир жолу жүгүртүү каражаттарынын чегинде накталай/накталай эмес чет өлкө валютасын сатып алуу/сатуу суммасын чектесин

отчеттук жумадан кийинки дүйшөмбү күнү саат 14.00гө чейин Улуттук банкка ушул токтомдун 1-тиркемесине ылайык жума сайын отчет сунушташсын (кошо тиркелет)

отчеттук айдан кийинки иш күнү саат 16:00гө чейин ар бир айдын акыркы иш күнүнө карата абал боюнча алмашуу бюросу менен жүргүзүлгөн операциялар накталай/накталай эмес чет өлкө валютасын сатып алуу/сатуу жөнүндө маалыматты Улуттук банкка сунушташсын.

Алмашуу бюролору:

коммерциялык банктар менен алмашуу бюронун чогуу алганда жүгүртүү каражаттарынан ашкан суммада накталай чет өлкө валютасын сатып алуу/сатуу боюнча операцияларды бир календардык күндүн ичинде жүргүзүүгө тыюу салынат

коммерциялык банктар менен накталай/накталай эмес чет өлкө валютасын сатып алуу/сатуу боюнча операцияларды жүргүзүүдө коммерциялык банктарга ККМдин чегин тиркеп, алмашуу бюросунун жетекчисинин кол тамгасын койдуруу менен алмашуу бюросунун мурунку күндүн акырына жана/же күндүн башталышына карата жүгүртүү каражаттарынын көлөмүн тастыктаган маалыматтарды жазуу жүзүндө сунушташсын.

“Ушул токтомдун талаптары бузулган учурда коммерциялык банктарга, алмашуу бюролоруна лицензияны кайтарып алуу, ошондой эле тиешелүү кызмат адамдарына карата таасир этүү чараларын кошо алганда КРнын мыйзамдарына ылайык таасир этүү чаралары көрүлөт”, – дейт регулятор.

Токтом расмий жарыяланган күндөн тартып күчүнө кирет жана Улуттук банк Башкармасынын тиешелүү чечими кабыл алынганга чейин колдонулат.

Токтомдун аткарылышын контролдоо Улуттук банктын Башкармасынын мүчөсүнө жүктөлөт.

Мындан тышкары окуңуз

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”