Кара-Балтадагы эски оюнчук заводунун базасында текстиль фабрикасы ачылат - 800 жумуш орун менен камсыздайт

Назира Абдиева

27 июля 2022 19:43

Кара-Балта шаарындагы электр техникалык оюнчук заводунун жана килем комбинатынын өндүрүш ишканаларынын базасында инвесторлор тигүү жана текстиль фабрикасын ачууну көздөп жатат.

Бул тууралуу министрлер кабинетинин төрагасынын орун басары Бакыт Төрөбаев Кара-Балта шаарына болгон иш сапарында белгилүү болгонун минкабдын маалымат кызматы кабарлады.

«Кезинде Кара-Балта шаары өлкөнүн өнөр жай борборлорунун бири болгон. Инвестордун аракети менен учурда электр техникалык оюнчуктар фабрикасынын базасында 800 жергиликтүү тургунду иш менен камсыздоочу заманбап тигүү өндүрүшүн түзүү пландалууда», – деди ал.

Объектке болгон сапардын жыйынтыгында Мамлекеттик мүлктү башкаруу боюнча фондуна жана Кара-Балта шаарынын мэриясына бош турган өндүрүштүк кубаттуулуктарды максималдуу пайдалануу жана өндүрүштү тезирээк ишке киргизүү максатында инвестор тарабынан коюлган маселелерди чечүүдө көмөк көрсөтүү тапшырмасы берилди.

Белгилей кетсек, тигүү жана текстиль фабрикаларын куруу долбоору «Декна Бишкек Текстиль» компаниясы тарабынан ишке ашырылып жатат, инвестициянын көлөмү болжол менен 25 млн долларды түзөт.

Жаңы өндүрүш таштандылардын төмөнкү көрсөткүчү менен кластердик принцип боюнча аларды жиптерге жана кездемелер үчүн материалдарга кайра иштетүү иретинде иш алып бармакчы.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”