КР менен Кытай 2030-жылга чейин соода-экономикалык кызматташтыкты өнүктүрүү программасына кол коюшту

Назира Абдиева

27 июля 2022 23:28

Экономика министри Данияр Амангелдиев менен Кытайдын коммерция министринин орун басары Ван Шоувен 2030-жылга чейин соода-экономикалык кызматташтыкты өнүктүрүү программасына кол коюшту.

Соода-экономикалык кызматташтык боюнча кыргыз-кытай өкмөттөр аралык комиссиясынын 15-жыйыны видеоконференцбайланыш режиминде өттү.

“Кеңешмеде инфраструктуралык жана ирригациялык долбоорлорду ишке ашырууга өзгөчө көңүл бурулду, атап айтканда, алардын катарында Чүй айланма каналынын, «Кытай – Кыргызстан – Өзбекстан» темир жолунун, Түндүк-Түштүк альтернативалык жолунун, беш инженердик курулманын (эки кар көчкүгө каршы, үч эстакадалык көпүрө) курулушу, Бишкектин автожолдорун реабилитациялоо бар”, – деп айтылат маалыматта.

Экономикалык өсүштү, интернет-коммерцияны стимулдаштыруу жана өз ара сооданы жогорулатуу максатында кыргыз тарап Alibaba Groupтун филиалын биздин өлкөдө ачуу мүмкүнчүлүгүн карап чыгууну сунуштады.

Ван Шоувэнь да Кыргызстан менен Кытайдын ортосундагы экономикалык жана инвестициялык кызматташуунун динамикасына оң баа берди.

Ал инновация, жашыл экономика жана гидроэнергетика, тоо-кен жана мунай иштетүү, айлана-чөйрөнү коргоо, инвестиция жана аймактар аралык кызматташуу жаатындагы эки тараптуу кызматташууга өзгөчө көңүл бурууну сунуштады.

Ошондой эле ал кытай тарап Кыргызстандын продукциясын (анын ичинде айыл чарба продукциясын) Кытай рыногуна экспорттоону жогорулатууга аракеттерди көрүп жатканын белгиледи.

Буга катар кытай тарап Инвестиция жана өнөр жай кызматташтыгы боюнча кыргыз-кытай жумушчу тобунун алкагында Ишкерлер кеңешин түзүүгө даярдыгы тууралуу маалымдады.

Кеңешменин жыйынтыгында тараптар 2030-жылга чейин соода-экономикалык кызматташтыкты өнүктүрүүнүн орто жана узак мөөнөттүү программасына жана соода-экономикалык кызматташтык боюнча кыргыз-кытай өкмөттөр аралык комиссиясынын 15-жыйынынын протоколуна кол коюшту.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”