КРнын ишканалары акыркы 5 жылда рентабелдүүлүктүн эң жогорку деңгээлине жетишишти - дээрлик 100 млрд сом киреше алышкан

Назира Абдиева

27 июля 2022 18:01

Акыркы беш жылда Кыргызстандын экономикасынын реалдуу секторундагы ишканалар 2021-жылдын жыйынтыгы боюнча өзүнүн эң жогорку рентабелдүүлүгүн көрсөтүштү. Алар дээрлик 100 млрд сом киреше алышкан. Мындай маалыматты Улуттук статистикалык комитет билдирди.

Талдоо боюнча 2021-жылы экономиканын реалдуу секторунда 22 миңге жакын ишкана жана уюм иштеген. Жылдын аягында алар 94 млрд сом суммасында финансылык натыйжага жетишип, бул өткөн жылдын көлөмүнөн дээрлик 9 эсеге көп болгон.

2021-жылы экономиканын реалдуу секторунун ишканалары тарабынан алынган пайданын олуттуу көлөмү акыркы беш жылда кирешенин жогорку өсүшүнө алып келип, дээрлик 15%га жеткен. Алсак, республиканын ишканалары алынган дүң кирешенин 1 сомунан орто эсеп менен 15 тыйындан пайда алышкан.

2021-жылы сатуунун рентабелдүүлүгүнүн эң жогорку деңгээлине (20%дан ашык) финансылык ортомчулук, соода, балык чарбасы, маалымат жана байланыш, транспорт иштери жана товарларды сактоо уюмдары, металл эмес пайдалуу кендерди өндүрүү боюнча ишканалар, ошондой эле кыймылсыз мүлк операциялары, кесиптик илимий жана техникалык иш менен алектенген мекемелер жетишкен.

Муну менен катар тескери рентабелдүүлүккө (чыгашанын) мунай продуктыларын өндүрүүчү (-29%), химиялык өнөр жай (-26%) жана электр энергиясын өндүрүү (өндүрүү), аны берүү жана бөлүштүрүү (-24%) ишканалары дуушар болушкан.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”