Кыргызстанда сунушталган айлык акы 3%га төмөндөдү

Назира Абдиева

Кыргызстанда сунушталган айлык акы 3%га төмөндөдү

Кыргызстанда 2022-жылдын экинчи кварталында сунушталган айлык маяна өткөн жылдын ушул мезгилине салыштырмалуу 3%га төмөндөдү. Мындай көрсөткүчтү HeadHunter (headhunter.kg) сайтта жайгаштырылган иш берүүчүлөрдөн келген вакансияларга жүргүзүлгөн анализинин негизинде билдирди.

Жумуш издеп жүргөн кыргызстандыктар 2022-жылы орточо эмгек акы 34.6 миң сомду түзөт деп күтүшүүдө. Бирок ошол эле учурда орточо сунушталган эмгек акы 10%га аз жана 31 миң сомду гана түзүүдө.

HeadHunter жогору маяна карап, жумуш издегендер төмөнкү кесиптик багыттарга көңүл бурушу керек дейт:

  • Эң жакшы вариант болуп консультациялык кызматтар саналууда. Мисалы, риэлторлор, маалымат талдоочулар, брокерлер, жана башка ушул сыяктуу бул сферада алектенгендердин орточо эмгек акысы – 70 миң сомду түзөт
  • Ошондой эле чийки затты казып алуу чөйрөсүндөгү геодезист, инженер, геологдордун орточо айлыгы 60 миң сомдон жогору болууда.
  • IT тармагында жаңы иштеп баштаган адистер 35 миң сомдон ала баштаса, тажрыйбалуулардын маянасы 140 миң сомдун тегерегин түзөт.

“Кадрларды сактап калуу үчүн компаниялар эмгек акыны индексациялоого, сунуштар рыногуна мониторинг жүргүзүүгө, ички корпоративдик маданият жана башкарууга көңүл бурушу керек”, – дейт аталган портал.

Эскерте кетсек, Улутстатком 2022-жылдын январь-апрель айларында кыргызстандыктардын орточо эмгек акысы 22 084 сомду түзгөнүн билдирген болчу.

Жаңылыктар биздин Телеграмм каналда

Мындан тышкары окуңуз

Бишкектеги Киев көчөсүнүн бир бөлүгү жабылат

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”