«Альянс Алтын» Талас облусун өнүктүрүү үчүн Венгер-Кыргыз фонду менен кызматташат

Назира Абдиева

28 июля 2022 17:30

Кечээ, 27-июлда «Альянс Алтын» ЖЧКсынын башкы директору Сабир Рахматов менен Венгрия-Кыргыз өнүктүрүү фондунун жетекчиси Темирбек Эркинов өз ара кызматташуу боюнча меморандумга кол коюшканын «Альянс Алтын» компаниясынын басма сөз кызматы билдирди.

Меморандумдун максаты – узак мөөнөттүү, натыйжалуу жана өз ара пайдалуу өнөктөштүктү түзүү жана өнүктүрүү болуп саналат. Темирбек Эркинов белгилегендей, «Альянс Алтын» Талас облусун өнүктүрүүгө басым жасайт жана Венгрия-Кыргыз өнүктүрүү фонду ар кандай долбоорлорду каржылоого жана Венгриянын жабдууларын сатып алууга жардам берүүгө даяр.

«Алдыда чоң долбоорлор турат, аларды ишке ашырууга Венгер-Кыргыз өнүктүрүү фонду менен кызматташуу буга жардам берет деп ишенем. Биргелешип Талас облусу үчүн көп иштерди жасай алабыз», – деди Сабир Рахматов.

Тараптар төмөнкү багыттар боюнча кызматташууга макулдашышты:

Талас облусунда кичи жана орто бизнес тармагындагы бизнес-долбоорлорду алдыга жылдыруу жана ишке ашыруу
Жаңы өндүрүштүк кубаттуулукту жана жумушчу орундарды түзүүгө көмөктөшүү
Талас облусунун ишкерлери менен Венгриянын ортосундагы байланыштарды түзүү
Долбоорлорду, анын ичинде инновациялык долбоорлорду каржылоонун шарттары жөнүндө маалымат берүү
Венгрияда жасалган товарларды, кызматтарды жана жабдууларды издөө
Рыноктун ар кандай сегменттери боюнча аналитикалык жана статистикалык маалымат алмашуу
Мал чарбасын, сүт азыктарын өнүктүрүү жана аларды сатууга көмөктөшүү.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”