Кыргызстан мамлекеттик сатып алуулар боюнча маалыматтардын жеткиликтүүлүгү индексинде 18-орунду ээледи

Open Contracting Partnership менен биргеликте The Global Data Barometer уюмунун талдоочулары түзгөн Мамлекеттик сатып алуулар боюнча маалыматтардын жеткиликтүүлүгү индексинде Кыргызстан 18-орунду ээледи.

Аталган уюм 109 өлкөдө сатып алуулар боюнча маалыматтын жеткиликтүүлүгүнүн глобалдык индексин баалайт. Эксперттер 2019-жылдын май айынан 2021-жылдын май айына чейинки абалды талдап чыгышкан.

Орточо глобалдык индекс 47 балл болсо, Кыргызстан 73 баллга ээ болуп, АКШ менен Литванын ортосунда орун алган.

Мамлекеттик сатып алуулар боюнча маалыматтардын жеткиликтүүлүгү КРда жакшы – бул параметр боюнча өлкө 83 упайга ээ болгон. Ал эми “Сатып алуулар боюнча талдоо” параметринде болсо Кыргызстандын упайы бир топ төмөн болуп, ал 28 гана баллды түзгөн.

Мамлекеттик сатып алуулар маселесинде маалыматтардын жеткиликтүүлүгү боюнча алдыңкы 5 өлкөгө – Украина, Парагвай, Казакстан, Косово жана Колумбия кирет.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады

Улуттук банк 1 коммерциялык банкка 5 миң 354 сом айып пул салды

Кыргыз-өзбек чек арасында бажы-логистикалык терминал ачылды