Октябрда Кыргызстанда Аялдардын ишкердиги боюнча ЭКСПО - 2022 көргөзмөсү өтөт - өтүнмөлөрдү кабыл алуу башталды
26-27-октябрда өтүүчү Кыргызстанда Аялдардын ишкердиги ЭКСПО – 2022 көргөзмөсүнө катышуу үчүн өтүнмөлөрдү кабыл алуу башталды. Бул тууралуу Accelerate Prosperity билдирди.
Көргөзмө Кыргызстандагы БУУнун Аялдар түзүмү тарабынан КыргызПатент мамлекеттик агенттиги, Кыргызстандагы аялдардын ишкердигин өнүктүрүү жана зомбулукту азайтуу боюнча коалициясы, Accelerate Prosperity демилгеси, Европа Биримдиги, Future growth initiatives (USAID), Европа өнүктүрүү жана реконструкциялоо банкы жана Аялдардын ишкердиги үчүн каржылоо демилгеси ( WE-FI) менен биргеликте өткөрүлөт.
Women’s Entrepreneurship EXPO экономиканын бардык тармактарында жана өлкөнүн бардык аймактарындагы бизнес алып барган аялдарды чогултуу, окутуу жана нетворкинг үчүн аянтча катары иш жүргүзөт.
- Өтүнмөлөрдү кабыл алуу 5-августта бүтөт.
26-27-октябрда катышуучулардын продукцияларынын көргөзмөсү өтүп, анда өз билимин бизнесте ийгиликтүү колдонгон 20 финалисттер потенциалдуу инвесторлорго өздөрүнүн өндүрүшүн жергиликтүү деңгээлде жана 10 финалисттер аймактык деңгээлде тартуулашат.
- Катышуу үчүн бул жерден кайрылсаңыз болот.
Women’s Entrepreneurship EXPO – бул аялдардын экономикалык коопсуздугун, укуктарын жана мүмкүнчүлүктөрүн кеңейтүү, ишкердикти өнүктүрүү жана бизнеске тартуу үчүн түзүлгөн аянтча. Аянтча аялдардын көрүнүктүү болуусуна, бизнесин өнүктүрүүгө мүмкүнчүлүктөрдү берет жана инклюзивдик рынокторду түзүүгө жардам көрсөтөт. Көргөзмө жыл сайын БУУнун Аялдар түзүмү тарабынан Чыгыш Европа жана Борбордук Азияда өткөрүлөт.
