Алкоголсуз суусундуктарга акциздин ставкасы он эсеге азайтылды - бирок январдан баштап көтөрүлөт

Назира Абдиева

02 авг. 2022 22:47

Министрлер кабинетинин 2022-жылдын 29-июлундагы токтому менен алкоголсуз суусундуктарга акциздин ставкасы он эсеге – бир литр үчүн 10 сомдон 1 сомго чейин азайтылды. Бул тууралуу МСКнын маалымат кызматы билдирди.

Эскерте кетсек, 2022-жылдын 1-июлунан тартып ТЭИ ТН 2202 товардык позициясында классификацияланган алкоголсуз суусундуктарды өндүрүүгө жана КРнын аймагына импорттоого акциз салыгы салынууга тийиш.

ТЭИ ТН 2202 товардык позициясында классификацияланган алкоголсуз суусундуктардын өндүрүлгөн же импорттолгон көлөмү үчүн акциз салыгы боюнча отчет берүү жана аны төлөө зарылдыгын Салык кызматы эскертет.

Кошумча маалыматты Салык кызматынын www.sti.gov.kg сайтынан, ошондой эле (0312) 61-17-94, 61-15-60 номерлери аркылуу алууга болот.

Эскерте кетсек, Экономика министрлиги 1-июлдан тарта күчүнө кирген энергетикалык алкоголсуз суусундуктарга акциз салыгын көтөрүүнү алып салуу демилгесин көтөрүп, 12-июлда тиешелүү токтомдун долбоору коомдук талкууга коюлган.

Анда министрлик 2022-жылдын 1-июлунан 31-декабрына чейинки мезгилде энергетикалык алкоголсуз суусундуктарга акциздик салыктын ставкасын литрине 10 сомдон 1 сомго чейин төмөндөтүүнү сунуштаган.

Акциз салыгынын ставкасын көтөрбөө сунушу демилгечилердин айтымында, бизнести колдоо, жогоруда аталган товарлар менен үзгүлтүксүз камсыз кылуу жана алардын калкка жеткиликтүүлүгүн камсыз кылуу, алардын баасынын кескин өсүшүнө жана ишкердик субъекттердин көмүскө жүгүртүүгө чыгып кетүүсүнө жол бербөө максатында сунушталууда.

Бирок 2023-жылдын 1-январынан 31-декабрына чейин энергетикалык суусундуктарга акциз салыгы мурда сунушталгандай 20 сом/литр, 2024-жылдын 1-январынан тарта 30 сом/литр болмокчу.

КРнын “Этил спиртин жана алкоголдук продукцияны өндүрүүнү жана жүгүртүүнү, алкоголдук продукцияны, сергитүүчү алкоголсуз жана алкоголу аз ичимдиктерди чекене сатууну жана керектөөнү мамлекеттик жөнгө салуу жөнүндө” Мыйзамына ылайык, атайын багыттагы – сергитүүчү, анын ичинде организмге сергитүүчү натыйжаны камсыз кылуу үчүн жетиштүү сандагы кофеин жана (же) башка сергитүүчү компоненттерди камтыган энергетикалык алкоголсуз ичимдиктер сергитүүчү алкоголсуз суусундуктар болуп саналат.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”