Боомдо жолдун эки тараптуу каттамы толук ачылды - Транспорт министрлиги
Бишкек – Нарын – Торугарт унаа жолунун Боомдогу бөлүгүнүн экинчи тилкеси дагы ачылды. Эки тараптуу каттам толук ачык. Бул тууралуу Транспорт министрлиги билдирди.
“2-август күнү түнкү саат 1 чамасында каттам толук берилген. ТжКМне караштуу «Кыргызавтожол» мамлекеттик ишканасынын №32 Жол тейлөө ишканасы тарабынан жолду калыбына келтирүү үчүн тазалоо иштери жүргүзүлдү”, – деп айтылат маалыматта.
Жолду тазалоого 1 погрузчик, 1 автогрейдер жана 4 самосвал тартылган. Белгилей кетсек, 2022 жылдын 1 август күнү 14:00 чамасында Бишкек – Нарын – Торугарт унаа жолунун 147-154 км (Боом капчыгайында) жаан жаап, сел жүрүп, каттам убактылуу жабылган.
