Саламаттыкты сактоо министрлиги iLab жана «Иммунизация» деген эки маалыматтык системаны ишке киргизет

Назира Абдиева

02 авг. 2022 15:30

Жылдын аягына чейин Саламаттыкты сактоо министрлиги маалыматтарды аралыктан кабыл алууга мүмкүндүк берген эки маалыматтык системаны ишке киргизүүнү пландаштырууда. Бул тууралуу маалымат жыйынында Саламаттыкты сактоо министринин милдетин аткаруучу Жаркынбек Касымбеков билдирди.

Анын айтымында, системалардын бири iLab деп аталып, ал жарандарга диагностикалык жана клиникалык изилдөөлөргө жөнөтүлгөн бардык лабораториялардагы тесттин жыйынтыгын аралыктан алууга мүмкүндүк берет. Февраль айынан бери жаңы системага 133 миңден ашык ар кандай лабораториялык изилдөөлөр киргизилген.

Ошондой эле жылдын аягына чейин “Иммунизация” системасын ишке киргизүү пландалууда. Ал чек арадан киргенден тартып, эмдөө пунктуна чейинки вакциналардын кыймылын көзөмөлдөөгө мүмкүндүк берет.

«Система ар бир кампадагы вакциналардын бар-жогуна, келип жаткан вакциналар үчүн бош орундун болушуна көз салууга, ошондой эле кийинки сатып алууларды жана жеткирүүлөрдү пландаштырууга мүмкүндүк берет», – деди Касымбеков.

Эске салсак, буга чейин министрлик коронавируска каршы вакцинанын 267.5 миң дозасын мөөнөтү өтүп кеткендигине байланыштуу жокко чыгарган.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”