«Бишкекжылуулук тармагы» 5 миллиондон ашык акциясын жокко чыгарат
«Бишкекжылуулук тармагы» ААК сатып алынган 5 миллиондон ашык акциясын жокко чыгарды. Мындай чечим 26-июлда акционерлердин кезексиз жалпы жыйынында кабыл алынганын Кыргыз фондулук биржасынан (КФБ) билдиришти.
Жүгүртүлүүчү акциялардын санын кыскартуу үчүн 5 150 738 акция жокко чыгарылат.
Акционерлер ошондой эле «Бишкекжылуулук тармагынын» уставдык капиталын дээрлик 2 млн сомго кыскартууну чечишкенин КФБдан билдиришти.
Мындан тышкары, чогулуштун жыйынтыгы боюнча компаниянын директорлор кеңешинин мүчөлөрү болгон Максат Жумабаев, Равшанбек Касымов, Акылбек Исаков жана Аскат Абылаевдердин ыйгарым укуктары мөөнөтүнөн мурда токтотулган.
Күндүн негизги жаңылыктары — Telegram каналыбызда
Каналга катталуу