КР манилүү долбоорлорду ишке ашырууда араб фонддорунун колдоосуна үмүттөнөт - Касымалиев

Назира Абдиева

03 авг. 2022 23:46

Чолпон-Ата шаарында бүгүн, 3-августта, Араб координациялык тобунун катышуусунда “4-тегерек стол” өттү. Бул тууралуу министрлер кабинетинин маалымат кызматы билдирди.

Топтун мүчөлөрү экономиканын түрдүү тармактарында бир катар долбоорлорду ишке ашыруу үчүн сунушталган кызматташуу мүмкүнчүлүгүн карап чыгышты.

Министрлер кабинетинин төрагасынын биринчи орун басары Адылбек Касымалиев бул жолугушуунун максаты бир катар маанилүү долбоорлорду араб фонддорунун өкүлдөрүнүн кароосуна алып чыгуу болуп санала тургандыгын айтты.

Ошондой эле минкаб саламаттыкты сактоо, билим берүү, ирригация, ипотекалык турак-жай куруу, транспорт жана байланыш сыяктуу тармактарга инвестиция тартуу милдети турганын билдирди.

«Министрлер кабинети Төртүнчү тегерек столдун оң натыйжаларына ишенет жана араб өнөктөштөрүнүн колдоосуна үмүттөнөрүн билдирет. Биз мындан ары да кызматташуунун мындай динамикасын колдоп, мындай иш-чараларды уюштуруу салтын улантарыбызга ишенем», – деди ал.

Араб координациялык тобу – Ислам Өнүктүрүү Банкы, Сауд өнүктүрүү фонду, ОПЕК эл аралык өнүктүрүү фонду, Кувейт экономикалык өнүктүрүү фонду жана Абу-Дабини өнүктүрүү фондун камтыйт.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”