«Улуу көчмөндөр мурасы» холдингинин уставдык капиталы дагы 7.1 млрд сомго көбөйтүлөт

Назира Абдиева

«Улуу көчмөндөр мурасы» холдингинин уставдык капиталы дагы 7.1 млрд сомго көбөйтүлөт

«Улуу көчмөндөр мурасы» улуттук холдингинин уставдык капиталы (мамлекеттик үлүшү 100%) акцияларды кошумча чыгаруу аркылуу 7.1 млрд сомго көбөйтүлөт. Мындай чечим 13-июлда компаниянын акционерлеринин кезексиз жалпы жыйынында кабыл алынганын Кыргыз фондулук биржасынын (КФБ) басма сөз кызматы билдирди.

КФБнын маалыматына таянсак, эмиссиянын көлөмү 71 млн жөнөкөй аталыштагы акцияны түзөт. Бир акциянын номиналдык баасы – 100 сом.

Учурда “Улуу көчмөндөр мурасынын” уставдык капиталы 900 млн сомду түзөт. Анын жалгыз акционери болуп Финансы министрлиги эсептелет.

Акциялардын кошумча эмиссиясын жайгаштыруу келишиминен кийин холдингдин уставдык капиталы 8 млрд сомго чейин көбөйөт.

Эске салсак, холдингдин баштапкы уставдык капиталы 100 млн сом өлчөмүндө бекитилген. Кийинчерээк апрель айында холдингдин уставдык капиталы 800 млн сомго көбөйтүлгөн.

Жаңылыктар биздин Телеграмм каналда

Мындан тышкары окуңуз

Бишкектеги Киев көчөсүнүн бир бөлүгү жабылат

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”