Татарстандык, Башкортостандык бизнес делегация КРда жергиликтүү ишкерлер менен жолугушууда - азырынча 2 келишим түзүлдү

Назира Абдиева

04 авг. 2022 16:25

2-августта Кыргызстанга Татарстан менен Башкортостандан бизнес-форумга катышуу үчүн бизнес делегация келген. КР Соода өнөр жай палатасы уюштурган форумдун алкагында чет элдик делегация ата мекендик ишкерлер менен жолугушууларды өткөрүүдө.

3-августта өткөн иш-чарага үч өлкөдөн 50дөн ашык компаниядан 70тей ишкерлер катышкан. Анда Башкортостан менен Татарстандын компаниялары өз продукцияларынын презентацияларын өткөрүшүп, андан соң Кыргызстан менен Башкортостандын соода өнөр жай палаталарынын ортосунда кызматташуу жөнүндө макулдашууга кол коюлган.

“Мындан тышкары, «СтандартПродМаш» ЖЧКсы менен «Туура Булак» ЖЧКсынын ортосунда, ошондой эле Sky Industrial Group менен “МТКнын” ортосунда РФга лифт жабдууларын жеткирүү боюнча кызматташууга келишим түзүлдү”, – деп билдирди СӨП.

Делегацияны ТР Соода-өнөр жай палатасынын төрагасы Шамил Агеев жана Башкортостандан Соода-өнөр жай палатасынын президенти Тимур Хакимов жетектеп жүрөт. РФнын бизнес өкүлдөрү кызматташуу үчүн өнөктөштөрдү табууга, байланыш түзүүгө кызыкдар жана алар 8-августка чейин Кыргызстанда болуп, жергиликтүү ишкерлер менен жолугушууларды өткөрмөкчү.

Бүгүн КР Соода-өнөр жай палатасы аларга Чүй облусундагы ишканаларда көчмө жыйындарды уюштурат, андан соң делегация Ысык-Көл жана Ош облусунда жергиликтүү ишкерлер менен жолугушат.

Белгилей кетсек, делегациянын курамында курулуш материалдарын жана өнөр жай жабдууларын, эмеректерди, трикотаж буюмдарын, жумушчу кийимдерди, азык-түлүк чийки затын, өсүмдүк майын өндүрүүчүлөр, ошондой эле эл аралык транспорт жана онлайн билим берүү компаниялары бар.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”